Samtök Álframleiðenda - Fréttir

Fjarri sanni að álfyrirtækin nýti sér skattalöggjöfina með óeðlilegum hætti

Fri, 22 Mar 2013 20:07:00 +0000

Það er fjarri öllu sanni að álfyrirtækin nýti sér skattalöggjöfina með óeðlilegum hætti og afar leitt að Ríkisútvarpið skuli ýja að slíku í umfjöllun sinni. Álfyrirtækin starfa í fullu samræmi við íslensk lög, reglur og fjárfestingasamninga sem þau hafa gert við íslenska ríkið

Fjölmörg ónýtt tækifæri í álvinnslu

Thu, 28 Feb 2013 10:18:00 +0000

Innlend útgjöld áliðnaðar hafa aldrei verið meiri en á síðasta ári er þau námu liðlega 100 milljörðum króna. Þetta kom fram í máli Magnúsar Þórs Ásmundssonar, formanns Samáls, á ársfundi samtakanna sem nú fer fram á Grand Hótel. Kaup á vöru og þjónustu af innlendum fyrirtækjum námu liðlega 40 milljörðum króna, að raforkukaupum frátöldum.

60 þúsund reikningar - 100 milljarða króna útgjöld - Viðskipti við yfir 700 fyrirtæki á Íslandi

Thu, 28 Feb 2013 10:02:00 +0000

Á síðasta ári greiddi áliðnaðurinn rúmlega 60 þúsund reikninga fyrir innlendar vörur og þjónustu, samtals að upphæð 40 milljarða króna, fyrir utan raforkukaup. Yfir 700 innlend fyrirtæki nutu góðs af þessu. Innlend útgjöld áliðnaðar námu samtals rúmlega 100 milljörðum króna, eða sem samsvarar 275 milljónum króna á degi hverjum. Þetta er meðal þess sem finna má í nýju upplýsingablaði sem gefið var út í tengslum við ársfund Samáls.

Áhrif framkvæmda við Kárahnjúka og Fjarðaál óveruleg á þenslu áranna 2004-2007

Thu, 28 Feb 2013 09:45:00 +0000

Fjárfestingar vegna framkvæmda við Kárahjúkavirkjun og byggingu Alcoa Fjarðaáls á árunum 2004 til 2007 eru dvergvaxnar í samanburði við aðra innlenda þensluvalda á sama tíma, að því er fram kom í máli Magnúsar Þórs Ásmundssonar, formanns Samáls, á ársfundi samtakanna sem haldinn var í gær.

Aukin jákvæðni í garð áliðnaðar á Íslandi

Tue, 12 Feb 2013 13:52:00 +0000

Tæplega 61% landsmanna eru jákvæðir gagnvart íslenskum áliðnaði samkvæmt nýrri skoðanakönnun sem Capacent Gallup vann fyrir Samtök álframleiðenda á Íslandi

1.400 tonnum af búnaði landað í Straumsvík

Thu, 24 Jan 2013 16:13:00 +0000

Í liðinni viku var landað í Hafnarfirði 1.400 tonnum af nýjum búnaði fyrir álver Rio Tinto Alcan í Straumsvík. Um er að ræða síðustu sendingu á alls 3.000 tonnum af búnaði vegna uppfærslu á þurrhreinsistöðvum, sem hreinsa útblástur frá kerskálum álversins.

Hillary Clinton sendi forstjóra Alcoa Fjarðaáls heillaóskir

Thu, 24 Jan 2013 16:08:00 +0000

Janne Sigurðsson, forstjóri Alcoa Fjarðaáls, veitti viðtöku kveðju Hillary Clinton, utanríkisráðherra Bandaríkjanna, í móttöku í bandaríska sendiráðinu í dag. Tilefni kveðjunnar var að Janne hlaut nýlega bandarísku Stevie-gullverðlaunin, sem forstjóri ársins í hópi kvenna í atvinnurekstri í Evrópu.

Engin eitrun í beinum dýra þrátt fyrir meiri flúor

Wed, 9 Jan 2013 10:00:00 +0000

Engin merki eru um flúoreitrun í beinum grasbíta í Reyðarfirði þrátt fyrir hækkun á flúorgildi í grasi sl. sumar, sem kom til vegna bilunar í mengunarvarnarbúnaði Fjarðaáls. Þetta sýna niðurstöður rannsókna dýralækna á beinsýnum.

Helga Arnalds hlýtur Íslensku bjartsýnisverðlaunin

Fri, 14 Dec 2012 17:17:00 +0000

Helga Arnalds, brúðuleikari og myndlistarkona, hlýtur Íslensku bjartsýnisverðlaunin 2012. Forseti Íslands afhenti verðlaunin í Iðnó í dag; áletraðan grip úr áli og eina milljón króna.

Milljarða framkvæmdir hafnar hjá Norðuráli

Fri, 7 Dec 2012 16:28:00 +0000

Norðurál undirritaði í dag verksamning við ÍAV um byggingu 1600 fermetra mannvirkja við álverið á Grundartanga. Samningurinn er fyrsti áfangi í fimm ára fjárfestingarverkefni Norðuráls þar sem markmiðið er að auka framleiðni, bæta rekstraröryggi og auka framleiðslu um allt að 50 þúsund tonn af áli á ári.

Svartnætti eða björt framtíð ? - Þróun og horfur í áliðnaði

Thu, 6 Dec 2012 11:24:00 +0000

Áliðnaði á Íslandi hefur vaxið verulega fiskur um hrygg á síðustu árum og er nú í fararbroddi í heiminum bæði í rekstri og umhverfismálum. Helstu sérfræðingar telja horfur greinarinnar bjartar og gera langtímaspár ráð fyrir um 30-40% hækkun álverðs á næstu árum og um 2-3 milljóna tonna aukningu eftirspurnar árlega.

Forstjóri Alcoa Fjarðaáls meðal fremstu kvenstjórnenda ársins

Wed, 28 Nov 2012 15:40:00 +0000

Janne Sigurðsson, forstjóri Alcoa Fjarðaáls, hlaut nýlega Stevie-gullverðlaunin sem forstjóri ársins í hópi kvenna í atvinnurekstri í Evrópu, Mið-Austurlöndum og Afríku. Verðlaunaafhendingin fór fram í New York fyrr í mánuðinum. Janne hlaut verðlaunin fyrir þátttöku í uppbyggingu, eflingu og rekstri álvers Alcoa við Reyðarfjörð á þeim sex árum sem liðin eru frá því að hún gekk til liðs við Alcoa

2,7 milljónum úthlutað úr Samfélagssjóði Rio Tinto Alcan á Íslandi

Wed, 28 Nov 2012 15:37:00 +0000

Samfélagssjóður Rio Tinto Alcan á Íslandi styrkti samtals 14 verkefni á þriðja ársfjórðungi þessa árs. Heildarfjárhæð styrkjanna nam 2,7 milljónum króna og hefur fyrirtækið þá veitt 36 verkefnum styrk það sem af er ári fyrir alls 10,2 milljónir króna.

Norðurál fær ISO 9001 gæðavottun

Mon, 19 Nov 2012 21:01:00 +0000

Gæðastjórnunarkerfi Norðuráls á Grundartanga hefur verið vottað samkvæmt ISO 9001 staðlinum. Tilgangur Norðuráls með vottuninni er margþættur. Hún styður við hlutverk og gildi fyrirtækisins og eykur samkeppnishæfni þess.

Rio Tinto Alcan á Íslandi: Aðkeypt verkfræðiþjónusta fyrir 11 þúsund milljónir

Wed, 14 Nov 2012 16:06:00 +0000

Rio Tinto Alcan á Íslandi, sem rekur álverið í Straumsvík, hefur á tæpum fjórum árum, þ.e. frá árinu 2009 til dagsins í dag, keypt þjónustu af íslenskum verkfræðistofum fyrir um 11 þúsund milljónir króna. Til að setja þessa tölu í samhengi má nefna að hún er ívið hærri en framlag ríkisins til Háskóla Íslands árið 2011 (9,9 milljarðar) og sambærileg öllum útgjöldum ríkisins til löggæslu sama ár (11,5 milljarðar).

Villandi samanburður í skýrslu McKinsey

Tue, 13 Nov 2012 13:24:00 +0000

Samanburður í nýlegri skýrslu McKinsey á framleiðni raforkuframleiðslu hér á landi og í Noregi er afar villandi og beinlínis rangur að mati Samáls. Aðeins er stuðst við eitt ár í samanburðinum, árið 2010. Það ár var engan veginn lýsandi fyrir norskan raforkumarkað sökum óvenju hás raforkuverðs. Þetta kemur fram í svari Samáls við spurningu sem sett var fram á Spyr.is.

Milljarða fjárfestingaáform hjá Norðuráli

Wed, 10 Oct 2012 15:49:00 +0000

Norðurál á Grundartanga vinnur nú að framleiðsluaukningu í álveri sínu á Grundartanga upp á 30-50 þúsund tonn á ári. Heildarfjárfesting hér á landi gæti numið meira en 10 milljörðum króna.

Álverð hækkar á nýjan leik

Fri, 7 Sep 2012 13:54:00 +0000

Álverð hefur farið hækkandi á nýjan leik að undaförnu eftir nær samfellda lækkun frá því í byrjun mars á þessu ári. Undanfarna viku hefur álverð hækkað um nærri 100 dali og stóð í réttum tæpum 2.000 dölum á tonn á LME markaðnum í dag.

Sjálfboðaliðar á vegum Fjarðaáls taka til hendinni

Fri, 7 Sep 2012 13:39:00 +0000

Hópur sjálfboðaliða á vegum Fjarðaáls, yfir 70 manns, tók sig saman um síðustu helgi til að vinna að endurbótum á íþróttasvæði Þróttar í Neskaupstað. Allt umhverfi íþróttavallarins var fegrað og snyrt, arfi reittur, veggir og geymslur málaðar og nýjar fánastangir settar upp

Léttum byrðarnar – Vegvísir að minni losun gróðurhúsalofttegunda í Evrópu 2050

Tue, 28 Aug 2012 10:42:00 +0000

Verulega hefur dregið úr kolefnislosun í áliðnaði á liðnum árum. Hér á landi hefur losun á hvert framleitt tonn minnkað um 75% frá 1990 og í evrópskum áliðnaði hefur losun á hvert tonn dregist saman um 50% á sama tímabili. Samál hefur nú gefið út í íslenskri þýðingu "Léttum byrðarnar - Vegvísir að minni losun gróðurhúsalofttegunda í Evrópu 2050" en þar er að finna ýmsar gagnlegar upplýsingar um umhverfismál áliðnaðar í Evrópu.

Fjarðaál fagnar fimm ára afmæli

Mon, 27 Aug 2012 12:39:00 +0000

Alcoa Fjarðaál fagnaði því um helgina að fimm ár eru liðin frá því framleiðsla hófst í álveri fyrirtækisins á Reyðarfirði. Á þessum fimm árum hafa starfsmenn fyrirtækisins framleitt um 1,6 milljónir tonna af áli og nemur útflutningsverðmæti þess um 400 milljörðum króna.

Nýr Range Rover nær hálfu tonni léttari vegna aukinnar álnotkunar

Fri, 17 Aug 2012 14:53:00 +0000

Nýr Range Rover verður kynntur til sögunnar á bílasýningunni í París í næsta mánuði. Mikil áhersla hefur verið lögð á að létta bílinn og gera hann sparneytnari með góðum árangri. Yfirbygging bílsins verður nær öll úr áli auk þess sem álið verður einnig áberandi í undirvagni hans. Leiðir þetta til þess að hinn nýi Range Rover verður nær fimmtungi léttari en fyrirrennari hans, eða sem nemur 420 kílóum.

Tveir þriðju hlutar áldósa í Evrópu endurunnar árið 2010

Mon, 16 Jul 2012 13:50:00 +0000

Endurvinnsluhlutfall áldósa í Evrópu jókst um 2,4 prósentustig árið 2010 og nam 66,7%. Heildarnotkun áldósa það ár nam 36 milljörðum dósa og hafði aukist um 2 milljarða dósa á milli ára. Um 24 milljarðar dósa voru því endurunnar það ár, samkvæmt árlegri samantekt Evrópusamtaka álframleiðenda, EAA.

Samfélagssjóður Alcoa styrkir Íslendinga til náms í þjóðgarðafræðum

Fri, 13 Jul 2012 11:22:00 +0000

Samfélagssjóður Alcoa, bandaríska stofnunin The American-Scandinavian Foundation (ASF) og Vinir Great Smokey Mountain þjóðgarðsins í Bandaríkjunum hafa skipulagt tvö þriggja vikna námskeið í þjóðgarðafræðum fyrir Íslendinga. Samfélagssjóður Alcoa veitir rúmum 19 milljónum króna til verkefnsins en alls fara fjórtán manns héðan til Bandaríkjanna af þessu tilefni.

Útflutningstekjur Fjarðaáls 95 milljarðar króna á síðasta ári

Wed, 4 Jul 2012 10:08:00 +0000

Útflutningstekjur Fjarðaáls námu um 95 milljörðum króna á síðasta ári, eða sem nemur um 17% af vöruútflutningi frá Íslandi. Um 33 milljarðar króna urðu eftir hér á landi, eða sem samsvarar um 35% af heildartekjum félagsins.

Sjálfbærniskýrsla ISAL fyrir árið 2011

Tue, 22 May 2012 10:17:00 +0000

Sjálfbærniskýrsla ISAL fyrir árið 2011 er komin út. Þar er að finna yfirlit yfir árangur ársins og áherslur í helstu málaflokkum, svo sem umhverfismálu, öryggismálum, heilbrigðismálum og samfélagsmálum.

Notkun áls samgöngutæki sparar 70 milljónir tonna af útblæstri árlega

Thu, 17 May 2012 08:15:00 +0000

Aukin álnotkun í samgöngutækjum leiðir til umtalsverðrar minnkunar á þyngd þeirra og þar með minni eldsneytisnotkunar. Áætlað er að álnotkun í samgöngutækjum í Evrópu dragi úr losun gróðurhúsalofttegunda sem nemur 70 milljónum tonna árlega.

Íslensk álver í fararbroddi í umhverfismálum

Thu, 17 May 2012 08:11:00 +0000

Losun gróðurhúsalofttegunda á hvert framleitt tonn lækkaði um 6% á síðasta ári. Frá árinu 1990 hefur þessi samdráttur verið 75%. Flúorlosun lækkaði um 6% á hvert framleitt tonn á síðasta ári. Frá árinu 1990 hefur flúorlosun lækkað um 93%.

Mikil tækifæri í tengslum við áliðnað á Íslandi

Thu, 17 May 2012 08:06:00 +0000

Mikil tækifæri eru til að auka framleiðslu í áliðnaði hér á landi. Þá eru ýmis tækifæri til að auka verðmæti núverandi framleiðslu með breytingum í átt til virðisaukandi starfsemi, að því er fram kom í máli Ragnars Guðmundssonar, formanns Samáls, Samtaka álframleiðenda á Íslandi, í gær.

Innlend útgjöld áliðnaðar 94 milljarðar á síðasta ári

Thu, 17 May 2012 07:56:00 +0000

Útgjöld áliðnaðar náumu 94 milljörðum króna á síðsata ári og höfðu aukist um 14 milljarða á milli ára. Íslensk álfyrirtæki keyptu vörur og þjónustu af meira en 800 fyrirtækjum fyrir um 33 milljarða króna og greiddu 14 milljarða króna í laun.