Uppbygging stóriðju á Íslandi hefur umbreytt hagkerfinu hér á landi, dregið úr hagsveiflum og skotið fleiri stoðum undir rekstur þjóðarbúsins. Þá hefur hún stuðlað að 25% raunlækkun á rafmagnsverði til almennings. Frá árinu 1969 hefur hlutur áls í vöruútflutningi tæplega fimmfaldast og árið 2008 var hlutur áls meiri en hlutur sjávarútvegs í fyrsta sinn. Á síðasta ári námu útflutningstekjur af áli um 226 milljörðum króna sem svaraði til 23% heildarútflutningsverðmæta þjóðarinnar.
Á síðasta ári námu gjaldeyristekjur þjóðarinnar vegna útflutnings á áli 226 milljörðum króna. Það ár nam heildarkostnaður álveranna innanlands tæplega 45% af rekstrartekjum þeirra, eða um 100 milljörðum króna.
Lesa meira
Hjá fyrirtækjum í íslenskum áliðnaði starfa um 2.100 manns. Samkvæmt mati Hagfræðistofnunar Háskóla Íslands má gera ráð fyrir að starfamargfaldari áliðnaðarins sé 1,4. Þannig höfðu um 5.000 manns framfæri sitt af álframleiðslu með beinum hætti.
Lesa meira
Fjölmörg fyrirtæki, bæði lítil og stór, byggja afkomu sína að miklu leyti á viðskiptum við álverin og hafa í mörgum tilfellum sérhæft sig á því sviði. Heildarfjöldi innlendra fyrirtækja sem starfa fyrir íslenskan áliðnað var um 700 árið 2012.
Álfyrirtækin þrjú hafa öll lýst áhuga á frekari fjárfestingum hér á landi á næstu árum. Þegar eru hafnar framkvæmdir við nýtt álver í Helguvík og stækkun í Straumsvík. Fjárfestingar í álframleiðslu hér á landi gætu skapað um 4.000 varanleg störf á næstu 7-8 árum.
Lesa meira