Hönnun og endurvinnsla í forgrunni á ársfundi Samáls

Vaxandi markaður fyrir ál í Evrópu og Bandaríkjunum. Ragnar Guðmundsson forstjóri Norðuráls í viðtali á Hringbraut.

Ársfundur Samáls var haldinn þriðjudaginn 28. apríl í Hörpu og sóttu hátt í 200 manns fundinn. Þar voru flutt fróðleg erindi um stöðu áliðnaðar, framleiðslu, notkun og endurvinnslu.

Raforkuskattur verður ekki framlengdur, en hann rennur út í lok árs 2015. Fjallað er um yfirlýsingu fjármálaráðherra þess efnis á ársfundi Samáls í Fréttablaðinu. Skatturinn var lagður á tímabundið árið 2009 til þriggja ára til að koma til móts við ríkissjóð á erfiðum tímum og var það liður í samkomulagi stóriðjufyrirtækja, Samtaka atvinnulífsins og stjórnvalda. Skatturinn var framlengdur til þriggja ára árið 2012.

Ragnar Guðmundsson, stjórnarformaður Samáls og forstjóri Norðuráls, segir að innan fárra ára geti Landsvirkjun greitt 30-40 milljarða króna í arð á hverju ári, miðað við óbreytt orkuverð. Til samanburðar sé veiðigjald í sjávarútvegi um 10-15 milljarðar.

Stórauka þarf útflutning, svo sem á hugbúnaði og iðnaðarframleiðslu, til að skapa gjaldeyri. Pétur H. Blöndal alþingismaður er í fróðlegu viðtali í Morgunblaðinu.

Samál styrkti gerð verðlaunagripsins í Söngkeppni framhaldsskólanna sem fram fór 19.-21. apríl á Akureyri. Garðar Eyjólfsson hönnuður og fagstjóri vöruhönnunar við LHÍ hannaði gripinn úr endurunnu áli og var hann smíðaður hjá Málmsteypunni Hellu. Hér má sjá myndband frá gerð gripsins.

Íslenska verkfræðistofan annast verkfræðiráðgjöf og verkefnastjórnun í tengslum við byggingu tilraunakerskála í álveri Hydro í Karmøy í Noregi, samkvæmt frétt í Viðskiptablaði Morgunblaðsins.

„Ég rifja upp, að stærstu virkjanir okkar, allar með tölu, voru reistar í krafti þess, að langtímasamningar náðust um nýtingu orkunnar til iðnaðar eða stóriðju.“ Halldór Blöndal fyrrverandi ráðherra samgöngu- og ferðamála fjallar um þjóðhagslegan ávinning af orkuiðnaði í aðsendri grein í Morgunblaðinu.

Áliðnaður á Íslandi er í fremstu röð í heiminum hvað umhverfismál varðar. Hér á landi er eingöngu notuð endurnýjanleg orka til álframleiðslunnar. Þar sem svo háttar til losa álver og vatnsaflsorkuver sex til níu sinnum minna af gróðurhúsalofttegundum en álver og orkuver sem brenna jarðefnaeldsneyti.

Við ákvörðun Evrópusambandsins um losunarheimildir fyrir álver sem tóku gildi frá árinu 2013 er tekið mið af frammistöðu þeirra 10% álvera í Evrópu sem best standa sig í þessum efnum og eru íslensku álverin öll í þeim hópi.

Nær öll raforkuframleiðsla hér á landi er byggð á endurnýjanlegum orkugjöfum. Íslensku álfyrirtækin þrjú kaupa langmest af þeirri raforku sem framleidd er á Íslandi eða hátt í 80%.

Alls starfa liðlega 2.000 manns fyrir áliðnaðinn á Íslandi. Í kringum 40% þeirra sem starfa í íslenskum álverum hafa háskóla-, tækni- og eða iðnmenntun. Auk þess hljóta starfsmenn víðtæka þjálfun hjá fyrirtækjunum eftir að þeir hefja störf.

Áliðnaðurinn hér á landi stendur mjög framarlega í öryggismálum. Mikil áhersla er lögð á öryggis- og heilsutengd málefni í allri starfsemi fyrirtækjanna með það að markmiði að koma í veg fyrir slys og meiðsli á starfsfólki.

Öll íslensku álfyrirtækin leggja mikla áherslu á jafnrétti kynjanna og að hver starfsmaður sé metinn að verðleikum út frá hæfni, reynslu og menntun. Fyrirtækin starfa öll eftir jafnréttisáætlunum sem ætlað er að stuðla að jafnri stöðu og jöfnum tækifærum kynjanna.

Álverin þrjú, hvert á sínum stað, eru öll burðarásar atvinnulífsins á sínu svæði. Sú staða leggur þeim ríkar skyldur á herðar þegar kemur að stuðningi við nærsamfélagið. Öll verja þau háum fjárhæðum til samfélagsmála.

Áhuga­menn um ál við bíl­smíði hafa ástæðu til að fagna því að 80% af yf­ir­bygg­ingu og und­ir­vagni nýs Jagu­ars XF eru úr þeim málmi. Ágúst Ásgeirsson fjallar um bifreiðina á Mbl.is.

Fjallað er um nýsköpun og stefnumótun álklasans á Íslandi í viðtali við Pétur Blöndal framkvæmdastjóra Samáls, samtaka álframleiðenda, sem birtist í nýjasta tölublaði Vélabragða, tímarits nemenda í véla- og iðnaðarverkfræði við HÍ.

Íslendingar eru í öfundsverðri stöðu. Á fáeinum áratugum höfum við byggt upp eitt öflugasta raforkukerfi í heimi og verð til almennings er með því lægsta sem þekkist. Pétur Blöndal fjallar um arðsemi orkuiðnaðar í aðsendri grein í Fréttablaðinu.

Esther Gunnarsdóttir, Eyrún Linnet og Sunna Björg Helgadóttir starfa í álverinu í Straumsvík. Þær eru í forsíðuviðtali í Fréttablaðinu í dag.

Fjölskyldufyrirtækið rótgróna J.R.J. verktakar,sem vinnur talsvert fyrir álver Rio Tinto Alcan í Straumsvík, var selt um áramótin. Kaupendurnir eru Eyþór Arnalds, framkvæmdastjóri Strokks Energy, og fyrirtækið Járn og blikk.

Festa, miðstöð um samfélagsábyrgð, og Samtök atvinnulífsins, stóðu þann 23. janúar fyrir ráðstefnunni: „Fyrirtæki og samfélagið - sameiginlegur ávinningur.“ Rio Tinto Alcan á Íslandi er eitt þeirra fyrirtækja sem stóðu að stofnun Festu. Rannveig Rist var meðal frummælenda á fundinum og fer erindi hennar hér á eftir.

Rio Tinto Alcan á Íslandi útskrifaði í dag átjánda námshópinn úr grunnnámi Stóriðjuskólans sem fyrirtækið hefur starfrækt í rúm sautján ár eða frá árinu 1998.

Álverin eru mjög ströng á að allar vottanir og staðlar séu í lagi, segir Hjörtur Cýrusson deildarstjóri hjá Ísfelli í samtali við iðnaðarblaðið Sleggjuna.

Landsvirkjun gefur upp að meðalverð til stóriðju árið 2013 hafi verið 25,8 dollarar á megavattstund. Afar langsótt er að kalla þetta tombóluverð því að þetta sama ár var meira en þriðjungur af öllu áli utan Kína framleitt við lægra rafmagnsverð en 25,8 dollara (nánar tiltekið 34,6% allrar álframleiðslu utan Kína skv. upplýsingum frá greiningarfyrirtækinu CRU). Ísland er því samkeppnishæft hvað varðar orkuverð til álframleiðslu en samt ekki í lægsta þriðjungi. Þetta er á meðal þess sem fram kemur í pistli Péturs Blöndals, framkvæmdastjóra Samáls, á Mbl.is.

Mikilvægt er að horfa til fjár­fest­ing­ar til framtíðar í nýj­um fyr­ir­tækj­um og byggja und­ir út­flutn­ings­geir­ann. Mbl.is talaði við aðila úr framleiðslu- og tæknigeiranum um áramót.

Forseti Íslands afhenti sérsmíðaðan verðlaunagrip úr áli frá Straumsvík og eina milljón króna.

Sigurður Oddsson starfsmaður Norðuráls einn þeirra sem hafa gjörbreytt stöðu sinni á vinnumarkaði með því að taka þátt í vottuðum námsleiðum

Rio Tinto Alcan á Íslandi og Landsvirkjun hafa samið um breytingu á orkuafhendingu sem endurspeglar betur orkuþörf álversins í Straumsvík.

Á stefnumótunarfundi Álklasans í Borgarnesi í apríl 2014 var mótuð framtíðarsýn til ársins 2020. Um 40 fyrirtæki og stofnanir drógu upp mynd af framtíðarlandslaginu og helstu áskorunum fram að þeim tíma. Hér má lesa niðurstöðurnar í útgáfu Samáls og Samtaka iðnaðarins.

Ráðstefna með yfirskriftina Ál á Austurlandi haldin á Breiðdalsvík föstudaginn 28. nóvember.

Fyrir vikið fluttu Evrópusambandsríkin í fyrsta skipti inn árið 2013 yfir 50% af öllu áli sem þau notuðu til framleiðslu. Í þeirri þróun felst tækifæri fyrir Íslendinga, eins og Gerd Götz framkvæmdastjóri Evrópsku álsamtakanna benti á á ársfundi Samáls síðastliðið vor, en Ísland hefur á sama tíma aukið sína framleiðslu og nýtur þess að vera nálægt mörkuðum ESB. Þetta er á meðal þess sem fram kemur í pistli Péturs Blöndals, framkvæmdastjóra Samáls, á Mbl.is.

Stefnumót um þarfir og lausnir sem snúa að framþróun og verðmætasköpun í áliðnaði 18. nóvember nk.

Íslensku álverin högnuðust um samtals 6,48 milljónir Bandaríkjadala, jafnvirði 798 milljóna króna, á síðasta ári. Samanlagður hagnaður fyrirtækjanna dróst þá saman um 90 prósent frá árinu 2012 þegar afkoman var jákvæð um 64,5 milljónir dala. Fjallað er um afkomu álveranna í fréttaskýringu Haraldar Guðmundssonar í Fréttablaðinu.

Þegar litið er til heildaráhrifa áliðnaðarins á efnahagslífið, þá stendur upp úr að árið 2013 urðu um 90 milljarðar eftir í íslensku hagkerfi, en árið 2012 voru það um 100 milljarðar. Það er gjaldeyrir sem streymir inn í landið. Álverin vörðu rúmum 30 milljörðum í kaup á vörum og þjónustu árið 2013, áttu viðskipti við um 700 fyrirtæki og vörðu tæpum 20 milljörðum í laun og opinber gjöld. Þetta er á meðal þess sem fram kemur í aðsendri grein Péturs Blöndals í Morgunblaðinu.

Toyota hyggst létta bílaflotann með meiri álnotkun. Fjallað er um það í Fréttablaðinu.

Stefnumót í samstarfi Álklasans, Samtaka iðnaðarins og Samáls verður haldið í nóvember til að greina þarfir og lausnir í áliðnaði. Þetta kemur fram í Viðskiptablaðinu í dag.

Fjárfesting fyrir á annan tug milljarða. Ársframleiðslugeta í 350 þúsund tonn með hækkun á rafstraumi í kerin.

Svör Norðuráls við spurningum í opnu bréfi Umhverfisvaktarinnar við Hvalfjörð.

Það þekkja Íslendingar vel að það verða sveiflur í öllum iðngreinum. Í áliðnaðinum er gengið út frá því, enda er þar ekki hugsað til mánaða eða ára, heldur áratuga. Stofnfjárfestingin er há og það tekur langan tíma að greiða þá fjárfestingu niður. Þetta er á meðal þess sem fram kemur í pistli Péturs Blöndals, framkvæmdastjóra Samáls, á Mbl.is.

Gildin fyrir flúor í grasi eru lægri en viðmiðin fyrir grasbíta segja til um.

Um síðustu aldamót voru stofnuð klasasamtök í Saguenay sem kallast Áldalurinn og er meginmarkmiðið að efla virðisaukandi starfsemi sem nýtir ál í dalnum og ýtir undir vöxt fyrirtækja á svæðinu með stuðningi við nýsköpun og þróun. Pétur Blöndal ber saman álklasana á Íslandi og í Saguenay í Kanada.

Eftirspurn mun vaxa um 6% á ári þar til áratugnum lýkur, samkvæmt greiningu Citi-bankans. Eftirspurnin verður knúin áfram af því að bílaframleiðendur nota ál í auknum mæli.

„Sú fullyrðing að álver mengi „hlutfallslega meira“ en kísilmálmverksmiðjur er úr lausu lofti gripin og gengur þvert gegn tölunum í fréttinni sjálfri,“ segir í grein Ólafs Teits Guðnasonar í Morgunblaðinu.

„Það er óviðunandi að þingmaður haldi því fram opinberlega að fyrirtæki sem virðir í einu og öllu gerðan samning stundi bókhaldsbrellur og að stjórnendur þess séu siðlausir.“ Þannig hefst grein Magnúsar Þór Ásmundssonar forstjóra Alcoa Fjarðaáls í Morgunblaðinu í tilefni af viðtali í Kastljósinu.

Nú er svo komið að það er nær ómögulegt að ímynda sér tilveruna án áls. Við komumst stöðugt í snertingu við það með fjölbreyttum hætti á degi hverjum, svo sem í samgöngum, byggingum og tækjum af öllum toga. Pétur Blöndal framkvæmdastjóri Samáls rekur sögu áls frá því málmurinn var fundinn upp og allt til okkar daga í aðsendri grein í Morgunblaðinu.

Umframeftirspurn er í heiminum utan Kína, enda hefur dregið verulega úr framleiðslu á þeim markaði, og um leið hefur verið að færast þróttur í efnahagslífið í Evrópu og Bandaríkjunum. Útlit er fyrir verulegan vöxt á næstu árum á helstu mörkuðum fyrir ál, svo sem í bílaframleiðslu og byggingaiðnaði. Pétur Blöndal fjallar um verðþróun á áli í aðsendri grein í Morgunblaðinu.

Tómas Már Sigurðsson framkvæmdastjóri stjórnar framleiðslu Alcoa á heimsvísu.

Efst á borðinu er að fylgja eftir viljayfirlýsingu um stofnun rannsóknarseturs í áli og efnisvísindum. Dregin er upp svipmynd af Pétri Blöndal framkvæmdastjóra Samáls í Markaðnum, viðskiptaútgáfu Fréttablaðsins.

Eftirspurn á heimsvísu hefur aldrei verið meiri, yfir 50 milljónir tonna af frumframleiddu áli, auk um 30 milljóna tonna af endurunnu áli. Pétur Blöndal ræðir um tækifærin á Íslandi í álframleiðslu og samdrátt í Evrópu í aðsendri grein í Morgunblaðinu.