Fréttir

Starfsemi Alcoa á Reyðarfirði hefur reynst mikil innspýting fyrir atvinnulíf og menningu í Fjarðabyggð síðustu 11 ár. Þar starfa 550 manns, en til viðbótar eru 350 starfsmenn verktakafyrirtækja. Magnús Þór Ásmundsson forstjóri Fjarðáls er í burðarviðtali í viðskiptablaði Morgunblaðsins.

Miklir hagsmunir eru í húfi fyrir íslenskan áliðnað að markaðsaðgangur að EES-svæðinu haldist óbreyttur, að sögn Péturs Blöndals framkvæmdastjóra Samáls. ESB skoðar nú mótvægisaðgerðir við tollahækkanir Bandaríkjanna, að því er fram kemur í fréttaskýringu Morgunblaðsins.

Í kvöldfréttum RÚV var fjallað um þá ákvörðun Bandaríkjastjórnar að setja verndartolla á vörur úr áli og stáli frá Evrópusambandinu, Kanada og Mexíkó. Rætt var við Pétur Blöndal framkvæmdastjóra Samáls.

Álfyrirtækið Rio Tinto í Straumsvík í Hafnarfirði, hóf í byrjun þessa árs framleiðslu á stuttum álstöngum – meira unnum afurðum en þær lengri, sem nýtast í fleiri þætti við framleiðslu bíla í Evrópu og í Bandaríkjunum. Fjallað er um framþróunina í Morgunblaðinu.

Verð á áli mun hækka nær stöðugt á næstu fimm árum með vaxandi eftirspurn á heimsvísu. Justin Hughes hjá greiningarfyrirtækinu CRU segir í viðtali í Viðskiptablaðinu íslenskan áliðnað vera í sterkri stöðu vegna eftirspurnar í Evrópu og lítillar kolefnisframleiðslu.

Endurvinnsla áls verður í brennidepli á ársfundi Samáls, samtaka álfyrirtækja Íslandi, þann 16. maí. Þar verður m.a. sagt frá niðurstöðu átaksverkefnis um söfnun og endurvinnslu sprittkerta. Þóroddur Bjarnason tók Pétur Blöndal framkvæmdastjóra Samáls tali í Morgunblaðinu.

„Þetta er nokkuð sem menn hafa látið sig dreyma um að verði að veru­leika einn dag­inn,“ seg­ir Bjarni Már Gylfa­son, upp­lýs­inga­full­trúi Rio Tinto á Íslandi, í Morg­un­blaðinu, en Alcoa, rík­is­stjórn Kan­ada, Rio Tinto og Apple standa að verkefni um þróun á kolefnislausum skautum.

Landgræðslan, Fjarðabyggð og Alcoa láta í sameiningu moka ofan í skurði á Hólmum, utan við álverið í Reyðarfirði. Tilgangurinn er að endurheimta 60 hektara votlendi með plöntu- og fuglalífi og stöðva útstreymi gróðurhúsalofttegunda úr þornuðum mýrum. RÚV fjallar um málið.

Það má vel halda því fram að nýting umhverfisvænna orkugjafa hér á landi til að framleiða ál til útflutnings sé eitt mikilvægasta framlag Íslands til loftslagsmála, að sögn Ragnars Guðmundssonar, forstjóra Norðuráls. Viðtal við hann birtist í Morgunblaðinu í tilefni af Charge-ráðstefnunni.

Svo virðist sem tæknimenntun og jafnvel enn frekar iðnmenntun hafi setið eftir gagnvart háskólanámi á síðustu 3-4 áratugum. Rannveig Rist, forstjóri Rio Tinto á Íslandi, segir í samtali við Morgunblaðið hefðina ekki mjög sterka og að ungt fólk skorti fyrirmyndir á þessu sviði.

Álklasar Íslands og Kanada hafa gert með sér samning um aukið samstarf milli klasanna. Lögð er áhersla á að efla samstarf á sviði viðskiptatengsla, rannsókna og fræðslu.

Fullt var út úr dyrum í Hafnarhúsinu á sýningunni #ENDURVINNUMÁLIÐ á opnun afmælishátíðar Hönnunarmars í Listasafni Reykjavíkur, Hafnarhúsi. Fjögur hönnunarteymi skapa nytjahluti úr álinu sem safnaðist í endurvinnsluátaki sprittkerta. Sýningin stendur yfir til 25. mars.

Eftir vel heppnað söfnunarátak áls í sprittkertum opnar sýning í Listasafni Reykjavíkur undir yfirskriftinni #Endurvinnumálið. Fjögur hönnunarteymi sýna nytjahluti úr endurunnu áli sem framleiddir eru af Málmsteypunni Hellu. Einnig er varpað ljósi á flokkun og endurvinnslu áls á Íslandi.

Fjölbreytt verkefni voru kynnt á vel sóttu Nýsköpunarmóti Álklasans og fengu fjórir nemendur hvatningarviðurkenningu. „Rannsóknar- og þróunarstarfsemi leggur grunn að nýrri tækni, orkunýtingu og rekstrarumbótum,“ sagði Guðrún Sævarsdóttir forseti tækni- og verkfræðideildar HR.

„Ál er málmur framtíðarinnar. Eftirspurn eftir honum mun vaxa mest af öllum málmum,“ segir Ola Sæter, framkvæmdastjóri hjá Norsk Hydro, sem lagt hefur fram skuldbindandi tilboð í Rio Tinto á Íslandi. Stefnt að áframhaldandi tækniþróun í Straumsvík.

Nýsköpunarmót Álklasans verður haldið fimmtudaginn 22. febrúar kl. 14-16 í Háskólanum í Reykjavík, stofu M105, og er það öllum opið. Að mótinu standa Háskólinn í Reykjavík, Háskóli Íslands, Samtök iðnaðarins, Nýsköpunarmiðstöð Íslands, Samál og Álklasinn.

Rannveig Rist, vélvirki og forstjóri ISAL, var útnefnd heiðursiðnaðarmaður Iðnaðarmannafélagsins í Reykjavík við hátíðlega athöfn um helgina. IMFR var stofnað árið 1867 og hefur það einkum að markmiði að efla kynningu og menntun í iðngreinum.

Góðar undirtektir voru við tilraunaátaki um söfnun áls í sprittkertum yfir hátíðarnar. Yfirskrift átaksins var „Gefum jólaljósum lengra líf“. Tilgangurinn með átakinu var að efla vitund þjóðarinnar um mikilvægi þess að flokka og endurvinna það ál sem fellur til hjá heimilum og fyrirtækjum.

Í október 2017 voru liðin tíu ár frá því að vöktun Sjálfbærniverkefnis Alcoa og Landsvirkjunar hófst. Í tilefni þess ákváðu eigendur verkefnisins að leita til Félagsvísindastofnunar Háskóla Íslands um framkvæmd úttektar á samfélagsvísum og verklagi verkefnisins.

Margrét Örnólfsdóttir, handritshöfundur og tónlistarmaður, hlýtur Íslensku bjartsýnisverðlaunin 2017 sem afhent voru á Kjarvalsstöðum í dag. Forseti Íslands, Guðni Th. Jóhannesson, afhenti verðlaunin, áletraðan grip úr áli frá ISAL í Straumsvík og milljón króna í verðlaunafé.

Í áramótablaði Viðskiptablaðsins er viðtal við Rannveigu Rist forstjóra álversins í Straumsvík, þar sem litið er til ársins sem er að líða og eins rýnt í framtíðina.

Í áramótablaði Viðskiptablaðsins var viðtal við Pétur Blöndal framkvæmdastjóra Samáls, þar sem litið var til ársins sem er að líða og eins rýnt í framtíðina.

Ingi­leif Jóns­dótt­ir, pró­fess­or í ónæm­is­fræði við Lækna­deild Há­skól­ans og deild­ar­stjóri hjá Íslenskri erfðagrein­ingu, hlaut í gær­ heiður­sverðlaun úr Verðlauna­sjóði Ásu Wright. Hún fékk 3 milljóna verðlaunafé frá Alcoa Fjarðaráli og HB Granda, bakhjörlum sjóðsins.

Í áramótablaði Viðskiptablaðs Morgunblaðsins er talað við Pétur Blöndal, framkvæmdastjóra Samáls, um þær áskoranir sem framundan eru árið 2018.

Með endurvinnsluátaki áls í sprittkertum er verið að vekja athygli á þeim straumi áls í smærri hlutum sem liggur um heimilin og raunar fyrirtækin líka, að sögn Péturs Blöndals framkvæmdastjóra Samáls, sem er í viðtali í Morgunblaðinu um endurvinnslu um jól og áramót.

Norðurál hefur á þriðja tug rafknúinna farartækja í sinni þjónustu sem flytja starfsfólk og vörur á athafnasvæði álversins og nú hafa verið sett upp sérstök græn bílastæði með raftenglum á álverslóðinni þar sem starfsfólki gefst kostur á að hlaða rafbíla sína.

Álver Alcoa fjarðaráls á Reyðarfirði vill breyta menningunni á vinnustaðnum þannig að hann verði ekki karllægur og fleiri konur sækist eftir störfum þar. Fjórðungur af tæplega 500 starfsmönnum eru konur, markmiðið er að kynjahlutfallið verði jafnt. Þetta kemur fram í frétt RÚV.

Hér er ýmsum spurningum svarað um endurvinnsluátak sprittkerta, en almenningi gefst kostur á að skila sprittkertum inn til hátt í 90 endurvinnslu- og móttökustöðva um allt land og einnig í endurvinnslutunnuna frá Gámaþjónustunni og grænu tunnuna frá Íslenska gámafélaginu.

Uppbygging raforkukerfis leiddi til þróttmeira og fjölbreyttara atvinnulífs sem er forsenda aukinnar samkeppnishæfni. Pétur Blöndal framkvæmdastjóri Samáls skrifar í Viðskiptablaðið.

Endurvinnsluátakinu „Gefum jólaljósum lengra líf – endurvinnum álið í sprittkertunum“ hefur verið ýtt úr vör.

Notagildi áls í okkar daglegu tilveru og mikilvægi endurvinnslu áls. Það er á meðal þess sem ber á góma í viðtali við Pétur Blöndal framkvæmdastjóra Samáls í Sámi frænda, fréttablaði um málefni landsbyggðarinnar, sem dreift er um land allt.

Notagildi áls í okkar daglegu tilveru og mikilvægi endurvinnslu áls. Það er á meðal þess sem ber á góma í viðtali við Pétur Blöndal framkvæmdastjóra Samáls í Sámi frænda, fréttablaði um málefni landsbyggðarinnar, sem dreift er um land allt.

Í nýrri þjóðhagsspá segir að ástæða umframeftirspurnar áls utan Kína sé að ál sé í auknum mæli notað í framleiðslu bifreiða. Með því er komið til móts við kröfur stjórnvalda og almennings víða um heim um léttingu bílaflotans og minni losun gróðurhúsalofttegunda.

Magnús Ásmundsson, forstjóri Alcoa Fjarðaáls og Guðný B. Hauksdóttir, mannauðsstjóri, ræða menntun og þjálfun starfsmanna og hverju það skilar á morgunfundi í Húsi atvinnulífsins 7. nóvember.

Alcoa tilkynnti í lok september að fyrirtækið hefði verið valið á sjálfbærnilista Dow Jones. Þar er m.a. litið til frammistöðu í umhverfismálum, stjórnarhátta, áhættu- og áfallastjórnunar, stefnumörkunar í loftslagsmálum, mannauðsmála og þjóðfélagslegra áhrifa.

Fullt hús er á ráðstefnu Fjarðaáls í Valaskjálfi sem ber yfirskriftina Mannauðsstjórnun Okkar á milli og þakkar Fjarðaál almenningi þann mikla áhuga sem ráðstefnunni hefur verið sýndur. Hér má fræðast um metnaðarfulla dagskrá ráðstefnunnar sem haldin er í tilefni 10 ára afmælis Fjarðaáls.

Álverið í Straumsvík hefur fest kaup á súrálskrana sem kominn verður í gagnið í lok árs 2018. Nýi súrálskraninn hefur meiri afkastagetu, eru hljóðlátari og mengar minna. Verðmætið er ríflega milljarður króna. Fjallað er um málið á Vb.is.

Verk­fræðistof­an HRV, sem sér­hæf­ir sig í verk­efn­um í áliðnaði, er um þess­ar mund­ir að ljúka þriggja ára EPCM-verk­efni sem felst í þróun lausna vegna hönn­un­ar skautsmiðju og baðefna­vinnslu nýrr­ar til­rauna­verk­smiðju Norsk Hydro í Karmøy í Nor­egi. Morgunblaðið fjallar um málið.

Heimsmarkaðsverð á áli hefur hækkað um þrjátíu prósent frá því í fyrra. Framkvæmdastjóri Samáls segir þetta mikla innspýtingu fyrir efnahagslífið og afar góð tíðindi fyrir áliðnaðinn hérlendis og íslensku orkufyrirtækin. Fjallað var um málið í fréttum Stöðvar 2.

Listamaðurinn Oddur Eysteinn Friðriksson, eða Odee eins og hann kallar sig, er löngu orðinn þekktur fyrir állistaverk sín. Í DV er fjallað um hamskipti í lífi hans á tæpu ári, en hann hefur náð af sér 50 kílóum, er sestur á skólabekk aftur og fagnar nýrri seríu af listaverkum.

Hydro hefur hleypt af stokkunum nýju álveri í Karmøy í Noregi. Minni orku þarf við framleiðsluna en í öðrum álverum. Víðast hvar í heiminum losar orkuvinnslan mest við álframleiðslu og er þetta því byltingarkennd tækni. HRV, sem er í eigu Verkís og Mannvits, var með í verkefninu frá upphafi.

Álver Alcoa Fjarðaáls á Reyðarfirði fagnar tíu ára afmæli sínu í dag en álverið hóf rekstur árið 2007. Í tilefni dagsins verður vegleg hátíðardagskrá, meðal annars með tónleikum, skoðunarferð um álverið og sýningaropnunum. Í Morgunblaðinu er fjallað um afmælið.

Fjarðaál er fyrsta stórfyrirtækið sem hlýtur vottun á jafnlaunastaðli velferðarráðuneytisins. Í lögunum er skýrt kveðið á um að konum og körlum sem starfa hjá sama atvinnurekanda skulu greidd jöfn laun og skulu þau njóta sömu kjara fyrir sömu eða jafnverðmæt störf.

„Málmurinn sem á ótal líf“ var yfirskrift ársfundar Samáls 2017 sem haldinn var í Kaldalóni í Hörpu að morgni 11. maí. Hér má lesa umfjöllun um fundinn og horfa á samantekt og einstakar ræður sem haldnar voru á ársfundinum.

„Í raun er ótrúlegt hugsa til þess hversu stórt efnahagslegt spor álfyrirtækjana er,“ sagði Rannveig Rist stjórnarformaður Samáls í ræðu á vel sóttum ársfundi Samáls í morgun.

Álverið í Straumsvík heldur Hönnunarmars hátíðlegan og býður til sýningar í höfuðstöðvum sínum í samstarfi við Samál, málmsteypuna Hellu og fleiri aðila. Sýningarstjórn er í höndum Eyjolfsson.

Ragnar Guðmundsson, forstjóri Norðuráls, segir fyrirtækið hafa fullan hug á að kanna hvort ekki sé hægt að afla nægilegrar orku fyrir álver.

Heilbrigðan vöxt í eftirspurn eftir áli má rekja til álbyltingar í bílaframleiðslu, en ál léttir bílana, minnkar eldsneytisnotkun og dregur úr losun gróðurhúsalofttegunda. Pétur Blöndal framkvæmdastjóri Samáls var í viðtali í Morgunblaðinu.

Ekki hefur verið tekin ákvörðun um að hætta við uppbyggingu álvers í Helguvík, að sögn Ragnars Guðmundssonar, forstjóra Norðuráls. Hann segir í samtali við Morgunblaðið að framhaldið ráðist af möguleikum á orkuöflun á samkeppnishæfu verði í framtíðinni.