Áliðnaður á Íslandi er í fremstu röð í heiminum hvað umhverfismál varðar en hér á landi er eingöngu notuð umhverfisvæn orka til framleiðslunnar. Álver og vatnsaflsorkuver losa sex til níu sinnum minna af gróðurhúsalofttegundum en álver og orkuver sem brenna jarðefnaeldsneyti.
Ál er einstaklega vel fallið til endurvinnslu. Endurvinna má málminn aftur og aftur án þess að hann tapi eiginleikum sínum og gæði hans haldast óbreytt. Um það bil 75% af öllu áli, sem framleitt hefur verið síðan 1888, er enn í virkri notkun.
Hér á landi er eingöngu notuð endurnýjanleg orka til álframleiðslunnar. Þar sem svo háttar til losa álver og vatnsaflsorkuver mun minna af gróðurhúsalofttegundum en álver og orkuver sem brenna jarðefnaeldsneyti. Heildarlosun álvers sem knúið er raforku frá kolaveri getur þannig verið allt að níu sinnum meiri en heildarlosun álvers sem knúið er raforku frá vatnsaflsvirkjun.
Á árunum 1990-2009 minnkaði útblástur gróðurhúsalofttegunda frá áliðnaði hér á landi um 75% á hvert framleitt tonn. Heildarútstreymi gróðurhúsalofttegunda frá íslenskum álverum er að meðaltali 1,64 tonn á hvert framleitt áltonn. Á heimsvísu er þetta meðaltal hins vegar talið vera um 8 tonn á hvert framleitt áltonn.
Lesa meira
Nær öll raforkuframleiðsla hér á landi er byggð á endurnýjanlegum orkugjöfum. Íslensku álfyrirtækin þrjú kaupa langmest af þeirri raforku sem framleidd er á Íslandi eða um 80%. Með því að framleiða ál úr slíkri orku eru Íslendingar að leggja mikið af mörkum til að vinna gegn mengun í heiminum.
Lesa meira