Rannveig Rist hélt erindi undir yfirskriftinni Jafnrétti bætir árangur.
Rannveig Rist hélt erindi undir yfirskriftinni Jafnrétti bætir árangur.
14. október 2021

Ávinningur fyrir reksturinn að setja jafnréttismál í forgrunn

 
Rannveig Rist, forstjóri Rio Tinto á Íslandi var með áhugavert erindi á ráðstefnu Jafnvægisvogarinnar 14. október undir yfirskriftinni Jafnrétti bætir árangur.
 
Rannveig hefur verið forstjóri ISAL í Straumsvík í hartnær 25 ár en hún var fyrsta konan sem var ráðin forstjóri stórfyrirtækis á Íslandi. Frá því Rannveig tók við starfi forstjóra hafa jafnréttismál verið í forgangi og í erindi sínu fjallar hún um ávinninginn af því fyrir reksturinn að setja jafnréttismál í forgrunn og um áskoranir og leiðir við að ná fram fullu jafnrétti kynjanna.
 

Jafnvægisvogin er samstarfsverkefni Félags kvenna í atvinnulífinu, forsætisráðuneytisins, Sjóvá, Deloitte, Pipar/TBWA og Morgunblaðsins.

Verkefninu var komið á fót á árinu 2017 og hefur náð að festa sig í sessi sem mikilvægur þáttur í því að vekja fyrirtæki, stofnanir og sveitarfélög til umhugsunar um virði fjölbreytileika og jafnvægis með auknum jöfnuði kynja í stjórnunarstöðum. 

Katrín Jakobsdóttir forsætisráðherra opnaði ráðstefnuna og á meðal fyrirlesara voru Sunna Dóra Einarsdóttir, meðeigandi og fjármálastjóri Deloitte, Sigurður B. Pálsson, forstjóri Byko, Jón Björnsson forstjóri Origo, Hildur Sigurðardóttir mannauðsstjóri RÚV, Magnús Harðarson forstjóri Nasdaq, Þórey Vilhjálmsdóttir eigandi og ráðgjafi hjá EMPOWER og Eliza Reid forsetafrú. 

Hér má sjá ráðstefnuna. 

 

Sjá einnig

  • Pétur Blöndal kveður

    Pétur Blöndal framkvæmdastjóri Samáls sat sinn síðasta stjórnarfund þann 21. mars sl. en hann var ráðinn til samtakanna árið 2013.  Pétur hverfur nú til annarra starfa,

  • Menntadagur atvinnulífsins 2024 - Göngum í takt

    Menntadagur atvinnulífsins er árlegur viðburður þar sem menntamál eru í brennidepli. Fundurinn er haldinn í Hörpu miðvikudaginn 14. febrúar nk. kl. 09:00 - 10:30.

  • Guð­ríður Eld­ey nýr fram­kvæmda­stjóri Samáls

    Guðríður Eldey Arnardóttir hefur verið ráðin framkvæmdastjóri Samáls, Samtaka álframleiðanda á Íslandi. Guðríður mun taka við starfinu af Pétri Blöndal, en hann hefur gegnt starfi framkvæmdastjóra frá árinu 2013.

  • Séríslenskar byrðar á atvinnulífinu

    Það er þjóðþrifamál að kafa ofan í svokallaða gullhúðun í regluverki EES eins og utanríkisráðherra hefur boðað. Pétur Blöndal skrifar í Morgunblaðið um séríslenskar byrðar á atvinnulífinu.