Hönnun og endurvinnsla í forgrunni á ársfundi Samáls

Tæplega 61% landsmanna eru jákvæðir gagnvart íslenskum áliðnaði samkvæmt nýrri skoðanakönnun sem Capacent Gallup vann fyrir Samtök álframleiðenda á Íslandi.

Tæplega 61% landsmanna eru jákvæðir gagnvart íslenskum áliðnaði samkvæmt nýrri skoðanakönnun sem Capacent Gallup vann fyrir Samtök álframleiðenda á Íslandi. Þetta er nokkur aukning frá síðustu könnun, er tæp 56% aðspurðra sögðust jákvæð gagnvart áliðnaði á Íslandi.

Um er að ræða síðustu sendingu á alls 3.000 tonnum af búnaði vegna uppfærslu á þurrhreinsistöðvum, sem hreinsa útblástur frá kerskálum álversins.

Í kjölfar þess að forstjóri Alcoa Fjarðaáls, Janne Sigurðsson, hlaut nýlega bandarísku Stevie-gullverðlaunin, sem forstjóri ársins í hópi kvenna í atvinnurekstri í Evrópu, Mið-Austurlöndum og Afríku, hefur Hillary Rodham Clinton, utanríkisráðherra Bandaríkjanna, sent Janne heillaóskir.

Engin merki eru um flúoreitrun í beinum grasbíta í Reyðarfirði þrátt fyrir hækkun á flúorgildi í grasi sl. sumar, sem kom til vegna bilunar í mengunarvarnarbúnaði Fjarðaáls. Þetta sýna niðurstöður rannsókna dýralækna á beinsýnum.

Helga Arnalds, brúðuleikari og myndlistarkona, hlýtur Íslensku bjartsýnisverðlaunin 2012. Forseti Íslands afhenti verðlaunin í Iðnó í dag; áletraðan grip úr áli og eina milljón króna.

Norðurál undirritaði í dag verksamning við ÍAV um byggingu 1600 fermetra mannvirkja við álverið á Grundartanga. Samningurinn er fyrsti áfangi í fimm ára fjárfestingarverkefni Norðuráls þar sem markmiðið er að auka framleiðni, bæta rekstraröryggi og auka framleiðslu um allt að 50 þúsund tonn af áli á ári.

Hagdeild Landsbankans gaf nýverið út greiningu á framtíðarhorfum áliðnaðar í heiminum. Þorsteinn Víglundsson framkvæmdastjóri Samáls segir niðurstöðuna sæta furðu.

Álverið í Straumsvík hefur úthlutað í þriðja sinn á árinu úr Samfélagssjóði Rio Tinto Alcan á Íslandi.

Gæðastjórnunarkerfi Norðuráls á Grundartanga hefur verið vottað samkvæmt ISO 9001 staðlinum

Rio Tinto Alcan á Íslandi, sem rekur álverið í Straumsvík, hefur á tæpum fjórum árum, þ.e. frá árinu 2009 til dagsins í dag, keypt þjónustu af íslenskum verkfræðistofum fyrir um 11 þúsund milljónir króna.

Samanburður í nýlegri skýrslu McKinsey á framleiðni raforkuframleiðslu hér á landi og í Noregi er afar villandi og beinlínis rangur að mati Samáls. Aðeins er stuðst við eitt ár í samanburðinum, árið 2010. Það ár var engan veginn lýsandi fyrir norskan raforkumarkað sökum óvenju hás raforkuverðs. Þetta kemur fram í svari Samáls við spurningu sem sett var fram á Spyr.is. Spurningin var svohljóðandi: "Hverju svara álverin um að verð á orku sé of lágt eins og þarna kemur fram?"

Verkefni fyrir á annan tug milljarða eru teikniborðinu hjá Norðuráli á Grundartanga. Markmiðið er að auka framleiðni, bæta rekstraröryggi, og auka framleiðslu um allt að 50 þúsund tonn af áli á ári, að því er fram kemur í frétt á heimasíðu Norðuráls.

Álverð hefur farið hækkandi á nýjan leik að undaförnu eftir nær samfellda lækkun frá því í byrjun mars á þessu ári.

Hópur sjálfboðaliða á vegum Fjarðaáls, yfir 70 manns, tók sig saman um síðustu helgi til að vinna að endurbótum á íþróttasvæði Þróttar í Neskaupstað.

Í mars 2011 gaf Evrópusambandið út „Vegvísi að samkeppnishæfu, kolefnislágu hagkerfi 2050.“ Af því tilefni gáfu Evrópusamtök álframleiðenda út sambærilegan vegvísi fyrir áliðnað er ber nafnið „Léttum byrðarnar“. Samál hefur nú gefið þennan bækling út hér á landi.

Á þessum fimm árum hafa starfsmenn fyrirtækisins framleitt um 1,6 milljónir tonna af áli og nemur útflutningsverðmæti þess um 400 milljörðum króna.

Nýr Range Rover verður kynntur til sögunnar á bílasýningunni í París í næsta mánuði. Yfirbygging bílsins verður nær öll úr áli auk þess sem álið verður einnig áberandi í undirvagni hans.

Sparar losun 2,5 milljóna tonna af gróðurhúsalofttegundum árlega.

Samfélagssjóður Alcoa veitir rúmum 19 milljónum króna til verkefnsins en alls fara fjórtán manns héðan til Bandaríkjanna af þessu tilefni.

Á árinu urðu um 35% af útflutningstekjum Fjarðaáls eftir í landinu, eða um 33 milljarðar króna, m.a. í formi launa, opinberra gjalda, innkaupa frá innlendum birgjum á vöru og þjónustu og samfélagsstyrkja.

Sjálfbærniskýrsla ISAL fyrir árið 2011 er komin út.

Verðmæti álframleiðslu á árinu 2011 var liðlega 230 milljarðar króna og samkvæmt hagtölum nam útflutningur á áli um 40% af heildarverðmæti útflutningsvara.

Tækifæri eru til að auka verðmæti núverandi framleiðslu með breytingum í átt að virðisaukandi starfsemi.

,,Álið léttir byrðirnar“ var yfirskrift ársfundar Samáls sem fram fór í gær, en frammistaða íslensku álveranna í umhverfismálum hefur vakið athygli á heimsvísu.

Ál má endurvinna aftur og aftur. Þannig er áætlað að um 75% af áli sem framleitt hefur verið frá upphafi sé enn í notkun. Endurvinnsluhlutfallið í Evrópu er meira en 90%.

Sjóðnum bárust alls 60 umsóknir og hlutu 12 verkefni styrk.

Beint og óbeint framlag áliðnaðar til vergrar landsframleiðslu er um 90 milljarðar á ári samkvæmt skýrslu Hagfræðistofnunar Háskóla Íslands sem unnin var fyrir Samál, samtök álframleiðenda, um framlag áliðnaðarins til þjóðarbúsins.

Álverð hefur nú hækkað um liðlega 11% frá áramótum. Er þetta nokkur viðsnúningur frá þróun á síðari hluta ársins 2011 en álverð lækkaði umtalsvert síðustu mánuði ársins.

Alcan á Íslandi er í öðru sæti á lista yfir framúrskarandi fyrirtæki árið 2011, samkvæmt greiningu CreditInfo.

Alcoa tilkynnti í dag áform um að minnka álframleiðslu sína í Evrópu um 240 þúsund tonn, eða sem nemur um 5% af heildarframleiðslu fyrirtækisins. Hyggst félagið loka varanlega álveri sínu í Portovesme á Ítalíu auk þess að draga tímabundið úr framleiðslu í tveimur álverum á Spáni.

Í ljósi aðstæðna á álmörkuðum heimsins og lækkandi álverðs hefur Alcoa tilkynnt að dregið verði úr heildarframleiðslu áls um tólf prósent, eða um sem nemur 531 þúsund tonni á ári.

Janne Sigurðsson, framkvæmdastjóri framleiðslu Alcoa Fjarðaáls, hefur verið ráðin forstjóri Fjarðaáls frá og með 1. janúar 2012 í stað Tómasar Más Sigurðssonar, sem hefur tekið við starfi forstjóra Alcoa í Evrópu með aðsetri í Genf. Jafnframt hefur Magnús Þór Ásmundsson, framkvæmdastjóri framleiðsluþróunar og skautsmiðju hjá Fjarðaáli, tekið við starfi forstjóra Alcoa á Íslandi í stað Tómasar Más Sigurðssonar.

Norðurál rekur skólann í samstarfi við Fjölbrautarskóla Vesturlands á Akranesi og Símenntunarmiðstöð Vesturlands.

Jóhanna Sigurðardóttir forsætisráðherra sagði forsendur fyrir lífskjarasókn í áramótaávarpi sínu. "Og úflutningsgreinarnar, sjávarútvegur og áliðnaður, hafa ekki síður lagt til þess góða hagvaxtar sem hér hefur verið á liðnu ári," bætti hún við.

Tómas Már Sigurðsson, forstjóri Alcoa Fjarðaáls, mun taka við stöðu forstjóra Alcoa í Evrópu og álframleiðslusviðs (GPP) Alcoa í Evrópu þann 1. janúar 2012. Tómas Már tekur við stöðunni af Marcos Ramos sem var nýlega ráðinn forstjóri álframleiðslusviðs (GPP) í Suður Ameríku. Síðar verður tilkynnt hver tekur við af Tómasi sem forstjóri Fjarðaáls.

Í árslok 2010 nam eigið fé Landsvirkjunar hins vegar 190 milljörðum króna og hafði aukist um 130 milljarða á 5 árum. Helmingshlutur í félaginu, miðað við verðmæti eigin fjár, hafði því aukist að verðmæti um nærri 65 milljarða króna.

Gerðardómur hefur komist að þeirri niðurstöðu að orkusölusamningur Norðuráls og HS Orku sé í fullu gildi, og að HS Orka sé skuldbundin til að afhenda Norðuráli þá raforku sem samningurinn tilgreinir í samræmi við skilmála hans.

Á liðnum áratug hefur handbært fé Landsvirkjunar frá rekstri fjórfaldast í bandaríkjadölum.... Arðsemi eigin fjár Landsvirkjunar undangengin tíu ár hefur verið liðlega 18% að jafnaði í bandaríkjadölum. Grein eftir Þorstein Víglundsson, framkvæmdastjóra Samáls, um arðsemi raforkusölu til stóriðju. Birtist í Fréttablaðinu í desember 2011. Fimmta grein af sex.

Ekkert íslenskt fyrirtæki er með meira eigið fé en Landsvirkjun, samkvæmt úttekt Frjálsrar verslunar á 300 stærstu fyrirtækjum landsins miðað við árið 2010. Þetta er á meðal þess sem fram kemur í grein eftir Þorstein Víglundsson, framkvæmdastjóra Samáls, um arðsemi raforkusölu til stóriðju. Birtist í Fréttablaðinu í desember 2011. Fjórða grein af sex.

Á undanförnum áratug eða svo hefur raforkuverð til stóriðju hækkað um liðlega 120% í bandaríkjadölum. Á sama tíma hefur raforkuverð til almennings lækkað um 10% í bandaríkjadölum. Þetta er á meðal þess sem fram kemur í grein eftir Þorstein Víglundsson, framkvæmdastjóra Samáls. Birtist í Fréttablaðinu í desember 2011. Þriðja grein af sex.

Á árabilinu 2001 til 2010 hefur eigið fé Landsvirkjunar í bandaríkjadölum liðlega fjórfaldast. Þar hefur ekki komið til nein hlutafjáraukning af hálfu eigenda fyrirtækisins heldur hefur fyrirtækið þvert á móti greitt 45 milljónir bandaríkjadala í arð til eigenda sinna á sama tíma. Þetta er á meðal þess sem kemur fram í grein eftir Þorstein Víglundsson, framkvæmdastjóra Samáls. Birtist í Fréttablaðinu í desember 2011. Önnur greina af sex.

Á árabilinu 2001 til 2008 liðlega fjórfaldaðist eigið fé Landsvirkjunar, óx úr 37 milljörðum króna í 166 milljarða. Á sama tíma helmingaðist eigið fé íslenskra fyrirtækja, annarra en fjármálafyrirtækja, veitufyrirtækja og stóriðju. Þetta er á meðal þess sem kemur fram í grein eftir Þorstein Víglundsson, framkvæmdastjóra Samáls. Birtist í Fréttablaðinu í desember 2011. Fyrsta grein af sex.

Raforkuverð til stóriðju hér á landi er umtalsvert hærra en meðalraforkuverð í nýjum álversframkvæmdum þegar horft er til alþjóðlegs samanburðar. Í fimmtu grein Þorsteins Víglundssonar, framkvæmdastjóra Samáls, í Fréttablaðinu um vægi áliðnaðar á Íslandi er fjallað um raforkuverð til stóriðju í alþjóðlegu samhengi.

Janne Sigurðsson, forstjóri Alcoa Fjarðaáls, hlaut nýlega Stevie-gullverðlaunin sem forstjóri ársins í hópi kvenna í atvinnurekstri í Evrópu, Mið-Austurlöndum og Afríku. Verðlaunaafhendingin fór fram í New York fyrr í mánuðinum.

Samtök atvinnulífsins, Samál, og fulltrúar helstu fyrirtækja sem ætlað var að greiða kolefnisgjald af föstu kolefni áttu í dag fund með fjármálaráðherra og fulltrúum iðnaðarráðuneytisins og umhverfisráðuneytisins.

Samtök álframleiðenda á Íslandi lýsa undrun sinni á ummælum Steingríms J. Sigfússonar, fjármálaráðherra, í fréttum um kolefnisskatta og íslenskan iðnað.

Samtök álframleiðenda á Íslandi hafa mótmælt harðlega áformum ríkisstjórnarinnar um álagningu kolefnisgjalds sem fram koma í frumvarpi til fjárlaga. Samtökin hafa bent á að hvergi annars staðar tíðkast slík álagning í áliðnaði og áform stjórnvalda gangi þvert á markmið viðskiptakerfis Evrópusambandsins með losunarheimildir, ETS, sem Ísland er aðili að. Hafa samtökin sent Efnahags- og viðskiptanefnd umsögn vegna þessa þar sem stjórnvöld eru hvött til að standa við gerða samninga og hverfa frá þessum áformum.

Um síðustu helgi tók álverið í Straumsvík á móti fjórum afriðlaspennum og tveimur aðalspennum, sem eru þeir afkastamestu á landinu eftir því sem næst verður komist.