Hönnun og endurvinnsla í forgrunni á ársfundi Samáls

Tor Arne Berg, forstjóri Alcoa Fjarðaáls, kveðst ánægður með að nýr kjarasamningur hafi í dag verið undirritaður milli Fjarðaáls og AFLs Starfsgreinafélags og Rafiðnaðarsambands Íslands.

Norðurál hefur gengið frá sölusamningi af Natur‐Al áli yfir fimm ára tímabil til Hammerer Aluminium Industries.

Orkusölusamningur Norðuráls við Orkuveitu Reykjavíkur hefur verið birtur í heild sinni á vefsíðu Norðuráls í samræmi við samkomulag milli fyrirtækjanna tveggja um að aflétta trúnaði af langtímasamningum.

Fyrsta niðurrif farþegaþotu, sem fram fer hérlendis, er langt komið í Keflavík. Ál er kjörið efni í hringrásarhagkerfinu, því það má endurvinna aftur og aftur án þess það tapi upprunalegum eiginleikum.

Um 1.500 manns störfuðu hjá álverum á Íslandi árið 2021 og um 409 voru í föstu starfi á vegum verktaka- og þjónustufyrirtækja á álverssvæðum. Samkvæmt Hagfræðistofnun má reikna með að um 5 þúsund manns hafi framfæri sitt af álframleiðslu með beinum hætti, en það eru rúm 2,6% starfandi fólks í landinu. Álver á Íslandi kaupa vörur og þjónustu fyrir um 35 milljarða á ári af hundruðum fyrirtækja, sem nota fjármunina til að stórum hluta til að greiða starfsmönnum laun.

Heimsmarkaðsverð á áli hefur rokið upp á undanförnum mánuðum og hækkað um ríflega fjörutíu prósent frá því verðið var lægst síðastliðið vor. Stjórnarformaður Samáls segir þetta gríðarlega mikilvægt fyrir efnahag landsins.

Grín­ist­inn Ari Eld­járn seg­ir að Íslensku bjart­sýn­is­verðlaun­in sem hann hlaut í gær hvetji hann til að leita út fyr­ir þæg­ind­aramm­ann og halda áfram að sinna ný­sköp­un. Isal er bakhjarl verðlaunanna.

Hér má lesa svar framkvæmdastjóra Samáls við fyrirspurn Viðskiptamoggans um hvaða breytingar hann vildi sjá á nýju ári til þess að bæta rekstrarumhverfi og samkeppnishæfni álvera.

Árið hefur verið viðburðaríkt og krefjandi í áliðnaði. Pétur Blöndal framkvæmdastjóri Samáls stiklar á stóru í áramótagrein í Markaðnum, viðskiptablaði Fréttablaðsins.

Samál, samtök álframleiðenda á Íslandi, fagna frumkvæði atvinnuvega- og nýsköpunarráðherra að skýrslu um samkeppnishæfni orkusækins iðnaðar með tilliti til raforkuverðs. Samál bendir þó á að ýmsum spurningum er ósvarað.

Norðurál óskar eftir að trúnaði um orkusamninga verði aflétt og telur að ný skýrsla Fraunhofer staðfesti að núverandi verðstefna sé ósamkeppnishæf. Þetta kemur fram í fréttatilkynningu frá Norðuráli.

Uppbygging innviða og þekkingar skapar tækifæri til framtíðar. Á þeim grunni er orkustefnan reist Þórdís Kolbrún Kolbrún R. Gylfadóttir iðnaðarráðherra á frumkvæði að og gengur samkeppnishæfni íslensks atvinnulífs eins og rauður þráður í gegnum stefnuna.

Félagsmenn í verkalýðsfélögunum Hlíf og VR samþykktu nýjan kjarasamning við Rio Tinto í Straumsvík með ríflega 90 prósentum atkvæða. Hér má lesa frétt RÚV.

Norðurál hefur sent erindi til Samkeppniseftirlitsins, þar sem óskað er íhlutunar vegna þess sem Norðurál telur vera misnotkun Landsvirkjunar á markaðsráðandi stöðu á skammtímamarkaði með raforku.

Ál er á lista ESB yfir hráefni sem eru mikilvæg „græna samkomulaginu“ sem felur í sér að Evrópa verði kolefnishlutlaus árið 2050. En til þess að álframleiðsla í Evrópu eigi sér sjálfbæra framtíð til langs tíma, þarf að tryggja samkeppnishæfnina.

Um helgina undirritaði menntamálaráðherra, starfssamning um undirbúning stofnunar háskólaútibús og kennslu á háskólastigi á Austurlandi, verður námið sérsniðið að iðnfyrirtækjum á svæðinu, fiskvinnslu og álveri.

Forstjóri Norðuráls telur álverðstengingu hagfellda og vill semja upp á nýtt til lengri tíma. Hyggst þá fjárfesta fyrir 14 milljarða í nýjum steypuskála. Gunnar Guðlaugsson er í viðtali í Fréttablaðinu í dag.

Forstjóri Norðuráls boðar fjárfestingu upp á 14 milljarða fáist nýr langtímasamningur hjá Landsvirkjun. Þetta er á meðal þess sem kemur fram í viðtali við Gunnar Guðlaugsson í Fréttablaðinu í dag.

Kan­ad­ísk­ur vís­i­sjóð­ur og Brunn­ur leggj­a sprot­an­um til fé. DTE grein­ir fljót­and­i málm­sýn­i í raun­tím­a. Engum hef­ur áður tek­ist að þróa sam­bær­i­leg­a lausn en marg­ir reynt. DTE mun nýta fjár­magn­ið til að hefj­a fram­leiðsl­u á tækj­a­bún­að­i og sölu á þjón­ust­unn­i.

Það átta sig fæstir á því að þegar orkuverð hér á landi er borið saman við orkuverð á meginlandinu, þá verður að taka með í reikninginn ýmsar ívilnanir og hagræði sem stóriðja býr þar við. Pistill Péturs Blöndals í Fréttablaðinu.

Þrátt fyrir erfið rekstrarskilyrði í íslenskri álframleiðslu á árinu 2019 skilaði greinin 213 milljörðum í útflutningstekjur, þar af nam innlendur kostnaður um 91 milljarði. Pétur Blöndal skrifar um afkomu áliðnaðar í Morgunblaðið.

Öflugir grunnatvinnuvegir eru næringarríkasta gróðurmoldin fyrir nýsköpun. En til þess þarf rekstrarumhverfið að vera sjálfbært og samkeppnishæft. Þar er verk að vinna. Hér má lesa pistil Péturs Blöndals í Viðskiptablaðinu.

Pétur Blöndal framkvæmdastjóri Samáls, Samtaka álframleiðenda, segir íslensku álverin eins og lítil þorp þar sem um tvö þúsund manns starfa í fjölbreyttum störfum. Hann er í spjalli á Visir.is.

Tunglferðir, endurvinnsla og könnun á áli í hvunndagslífi fólks ber á góma í grein sem Pétur Blöndal, framkvæmdastjóri Samáls, skrifar í Morgunblaðið.

Nauðsynleg forsenda fyrir því að orkusækinn iðnaður blómgist áfram á Íslandi er að rekstrarskilyrðin séu samkeppnishæf. Tvö af þremur álverum á Íslandi starfa ekki af fullum afköstum og hafa vísað til þess að verð orkunnar sé ósamkeppnishæft.

Íslenskur áliðnaður hefur sjaldan verið í jafn þröngri stöðu, að því er fram kemur í fréttaskýringu í Morgunblaðinu í dag. Álverð fellur og samhliða hefur skapast mikið offramboð vegna mikillar röskunar á iðnaði.

Veirufar­ald­ur­inn hef­ur gríðarleg áhrif á markaði fyr­ir álaf­urðir ál­ver­anna. Eft­ir­spurn, einkum bíla­fram­leiðenda, hef­ur hríðfallið.

Í nýrri greiningu Samtaka iðnaðarins kemur fram að samtökin telja að þátttaka hérlendra raforkufyrirtækja í upprunaábyrgðum orki verulega tvímælis og grafi undan ímynd Íslands sem lands endurnýjanlegrar orku.

Í fimm áratugi hefur byggst upp öflugt fyrirtæki í Straumsvík. Með framleiðslu áls gafst Íslendingum fyrst kostur á að nýta eigin orkuauðlindir til verðmætasköpunar. Pétur Blöndal skrifar í Morgunblaðið.

Yfirskrift Framleiðsluþings SI 2020 er Áskoranir og tækifæri í íslenskum framleiðsluiðnaði. Þingið verður haldið í Norðurljósum í Hörpu miðvikudaginn 12. febrúar kl. 14.00.

Norðurál á Grundartanga hefur hlotið hina alþjóðlegu ASI vottun um umhverfisvæna og ábyrga framleiðslu, fyrst þeirra álfyrirtækja sem starfa á Íslandi.

Tor Arne Berg, nýr forstjóri Alcoa Fjarðaáls, er í viðtali í nýju tölublaði Fjarðaálsfrétta, sem komið hafa út á hverju ári frá 2008.

Tón­skáldið, Hildur Guðna­dóttir, hreppti Bjart­sýnis­verð­launin, fyrir tón­smíð sína á árinu 2019. ISAL ál­verið í Straums­vík hefur verið bak­hjarl verð­launanna frá því að Bröste dró sig í hlé árið 2000. Forseti Íslands hefur frá upphafi verið verndari verðlaunanna.

Frá því orkusækinn iðnaður fór að skjóta rótum hér á landi, hefur landsframleiðsla farið úr því að vera til jafns við meðaltal Evrópu í að vera nú tæplega 50% meiri, að því er fram kemur í grein Péturs Blöndals framkvæmdastjóra Samáls í áramótablaði Markaðarins.

Lítil frétt á Reuters vakti athygli víða um heim fyrir tveim vikum. Þá var fyrsti álfarmurinn seldur til Apple sem framleiddur er án losunar koldíoxíðs eða CO2. Pétur Blöndal framkvæmdastjóri Samáls skrifar um umhverfismál í Morgunblaðið.

Apple hefur fest kaup á fyrsta áli sem framleitt er í heiminum án beinnar losunar CO2. Það var gert með hinni byltingarkenndu rafgreiningartækni ELYSIS™, sem Rio Tinto og Alcoa vinna að.

Fjallað er um ál og endurvinnslu í hausthefti Þjóðmála sem er nýkomið út.

End­ur­ræs­ingu þriðja ker­skál­ans í ál­ver­inu í Straums­vík er lokið, að því er segir í umfjöllun Morgunblaðsins í dag.

Aukin eftirspurn er eftir áli í drykkjarumbúðir. Pétur Blöndal ræðir við Morgunblaðið um endurvinnslu áls.

Samtök iðnaðarins efna til opins fundar um íslenska raforkumarkaðinn miðvikudaginn 16. október í Hörpu kl. 8.30–10.00.

Stofnfundur Samstarfsvettvangs um loftslagsmál og grænar lausnir var haldinn 19. september. Álverin þrjú eru á meðal stofnfélaga.

Tækifæri í loftslagsvænum afurðum, en bæta þarf samkeppnishæfni Íslands á ýmsum sviðum segir í nýútkominni skýrslu Íslandsstofu.

Fimm­tíu ár eru liðin frá því fram­leiðsla áls hófst á Íslandi, en það var klukk­an 9:42 hinn 1. júlí 1969 sem fyrsta kerið í ál­ver­inu ISAL í Straums­vík var ræst.

Viljayfirlýsing var undirrituð í dag af hálfu stjórnvalda og stóriðjufyrirtækja um að kannað verði til hlítar hvort aðferð sem kölluð er „CarbFix“ geti orðið raunhæfur kostur, bæði tæknilega og fjárhagslega, til þess að draga úr losun koldíoxíðs (CO2) frá stóriðju á Íslandi.

Forstjóri Fjarðaáls segir að sala á upprunaábyrgðum raforku frá landinu virki eins og aflátsbréf í loftslagsmálum. Fyrirtækið hafi talið sig kaupa græna orku en sá stimpill sé nú seldur til annarra landa. RÚV fjallar um málið.

Í sumar mun dúkka upp í miðborg Reykjavíkur nýtt álverk frá Studio Portland. Það byggist á þeim grunni sem lagður var með endurvinnsluátaki sprittkerta og verður framleitt hjá Málmsteypunni Hellu.

Samfélagsskýrsla og Grænt bókhald ISAL er komið út fyrir árið 2018. Hér má fræðast nánar um það.

Gunnar Guðlaugsson nýr forstjóri Norðuráls hefur verið framkvæmdastjóri álversins á Grundartanga frá 2009. Hann hefur yndi af útivist og ólst upp við rætur Hvannadalshnjúks. Hér má lesa brot úr viðtali við hann í Viðskiptablaðinu.

Stofnun samstarfsvettvangs um loftslagsmál og grænar lausnir var undirritað í dag, en að honum standa stjórnvöld og atvinnulífið. Samtök iðnaðarins höfðu forystu um stofnun vettvangsins, en á meðal stofnaðila eru álverin þrjú á Íslandi.

Þrjátíu og tveir nemendur brautskráðust frá Stóriðjuskóla Norðuráls í maí, 14 úr grunnnámi og 18 úr framhaldsnámi. Skólinn hefur verið starfræktur frá árinu 2012 og hafa 164 nemendur útskrifast frá honum á þessum tíma.