Fréttir

Í nýrri greiningu Samtaka iðnaðarins kemur fram að samtökin telja að þátttaka hérlendra raforkufyrirtækja í upprunaábyrgðum orki verulega tvímælis og grafi undan ímynd Íslands sem lands endurnýjanlegrar orku.

Í fimm áratugi hefur byggst upp öflugt fyrirtæki í Straumsvík. Með framleiðslu áls gafst Íslendingum fyrst kostur á að nýta eigin orkuauðlindir til verðmætasköpunar. Pétur Blöndal skrifar í Morgunblaðið.

Yfirskrift Framleiðsluþings SI 2020 er Áskoranir og tækifæri í íslenskum framleiðsluiðnaði. Þingið verður haldið í Norðurljósum í Hörpu miðvikudaginn 12. febrúar kl. 14.00.

Norðurál á Grundartanga hefur hlotið hina alþjóðlegu ASI vottun um umhverfisvæna og ábyrga framleiðslu, fyrst þeirra álfyrirtækja sem starfa á Íslandi.

Tor Arne Berg, nýr forstjóri Alcoa Fjarðaáls, er í viðtali í nýju tölublaði Fjarðaálsfrétta, sem komið hafa út á hverju ári frá 2008.

Tón­skáldið, Hildur Guðna­dóttir, hreppti Bjart­sýnis­verð­launin, fyrir tón­smíð sína á árinu 2019. ISAL ál­verið í Straums­vík hefur verið bak­hjarl verð­launanna frá því að Bröste dró sig í hlé árið 2000. Forseti Íslands hefur frá upphafi verið verndari verðlaunanna.

Frá því orkusækinn iðnaður fór að skjóta rótum hér á landi, hefur landsframleiðsla farið úr því að vera til jafns við meðaltal Evrópu í að vera nú tæplega 50% meiri, að því er fram kemur í grein Péturs Blöndals framkvæmdastjóra Samáls í áramótablaði Markaðarins.

Lítil frétt á Reuters vakti athygli víða um heim fyrir tveim vikum. Þá var fyrsti álfarmurinn seldur til Apple sem framleiddur er án losunar koldíoxíðs eða CO2. Pétur Blöndal framkvæmdastjóri Samáls skrifar um umhverfismál í Morgunblaðið.

Apple hefur fest kaup á fyrsta áli sem framleitt er í heiminum án beinnar losunar CO2. Það var gert með hinni byltingarkenndu rafgreiningartækni ELYSIS™, sem Rio Tinto og Alcoa vinna að.

Fjallað er um ál og endurvinnslu í hausthefti Þjóðmála sem er nýkomið út.

End­ur­ræs­ingu þriðja ker­skál­ans í ál­ver­inu í Straums­vík er lokið, að því er segir í umfjöllun Morgunblaðsins í dag.

Aukin eftirspurn er eftir áli í drykkjarumbúðir. Pétur Blöndal ræðir við Morgunblaðið um endurvinnslu áls.

Samtök iðnaðarins efna til opins fundar um íslenska raforkumarkaðinn miðvikudaginn 16. október í Hörpu kl. 8.30–10.00.

Stofnfundur Samstarfsvettvangs um loftslagsmál og grænar lausnir var haldinn 19. september. Álverin þrjú eru á meðal stofnfélaga.

Tækifæri í loftslagsvænum afurðum, en bæta þarf samkeppnishæfni Íslands á ýmsum sviðum segir í nýútkominni skýrslu Íslandsstofu.

Fimm­tíu ár eru liðin frá því fram­leiðsla áls hófst á Íslandi, en það var klukk­an 9:42 hinn 1. júlí 1969 sem fyrsta kerið í ál­ver­inu ISAL í Straums­vík var ræst.

Viljayfirlýsing var undirrituð í dag af hálfu stjórnvalda og stóriðjufyrirtækja um að kannað verði til hlítar hvort aðferð sem kölluð er „CarbFix“ geti orðið raunhæfur kostur, bæði tæknilega og fjárhagslega, til þess að draga úr losun koldíoxíðs (CO2) frá stóriðju á Íslandi.

Forstjóri Fjarðaáls segir að sala á upprunaábyrgðum raforku frá landinu virki eins og aflátsbréf í loftslagsmálum. Fyrirtækið hafi talið sig kaupa græna orku en sá stimpill sé nú seldur til annarra landa. RÚV fjallar um málið.

Í sumar mun dúkka upp í miðborg Reykjavíkur nýtt álverk frá Studio Portland. Það byggist á þeim grunni sem lagður var með endurvinnsluátaki sprittkerta og verður framleitt hjá Málmsteypunni Hellu.

Samfélagsskýrsla og Grænt bókhald ISAL er komið út fyrir árið 2018. Hér má fræðast nánar um það.

Gunnar Guðlaugsson nýr forstjóri Norðuráls hefur verið framkvæmdastjóri álversins á Grundartanga frá 2009. Hann hefur yndi af útivist og ólst upp við rætur Hvannadalshnjúks. Hér má lesa brot úr viðtali við hann í Viðskiptablaðinu.

Stofnun samstarfsvettvangs um loftslagsmál og grænar lausnir var undirritað í dag, en að honum standa stjórnvöld og atvinnulífið. Samtök iðnaðarins höfðu forystu um stofnun vettvangsins, en á meðal stofnaðila eru álverin þrjú á Íslandi.

Þrjátíu og tveir nemendur brautskráðust frá Stóriðjuskóla Norðuráls í maí, 14 úr grunnnámi og 18 úr framhaldsnámi. Skólinn hefur verið starfræktur frá árinu 2012 og hafa 164 nemendur útskrifast frá honum á þessum tíma.

Innlendur kostnaður álvera á Íslandi nam 86 milljörðum í fyrra, en útflutningur alls nam um 230 milljörðum. Pétur Blöndal ræddi m.a. lykiltölur áliðnaðarins, umhverfismál og uppbyggingu Álklasans í Viðskiptapúlsi Morgunblaðsins.

Losun gróðurhúsalofttegunda frá álframleiðslu á Íslandi hefur dregist saman um 75% á hvert framleitt tonn frá árinu 1990, m.a. með tæknibreytingum, bættri úrgangsnýtingu og agaðri kerrekstri. Pétur Blöndal framkvæmdastjóri Samáls var í viðtali á Sprengisandi.

„Ál er hluti af lausninni“ var yfirskrift vel sótts ársfundar Samáls sem haldinn var í Kaldalóni í Hörpu að morgni 9. maí. Hér má fræðast um fundinn og hlýða á erindin.

Snjallvæðingin, sýndarveruleiki og þörf fyrir hærra hlutfall tæknimenntaðra bar hæst á Nýsköpunarmóti Álklasans. Þörfin er rík fyrir samtal stjórnvalda, háskóla og atvinnulífs, að því er fram kemur í grein Péturs Blöndals í Viðskiptablaðinu.

Snjallvæðing, bætt orkunýting og nýjar tæknilausnir eru á meðal þess sem rætt verður á Nýsköpunarmóti Álklasans, sem haldið verður í hátíðarsal Háskóla Íslands kl. 14 þriðjudaginn 19. mars. Hér má fræðast um dagskrána og skrá sig.

Snjallsímar eður ei, þá eiga allir þessir símar sameiginlegt, að til þess að hægt sé að framleiða þá þarf málma. Það sama á við um tölvur og önnur tæki sem knýja áfram fjórðu iðnbyltinguna. Pétur Blöndal skrifar pistil á Mbl.is.

„Það finna allir bylgjuhreyfinguna í samfélaginu, fólk vill leggja sitt af mörkum til að draga úr sóun, flokka og skila til endurvinnslu,“ skrifar Pétur Blöndal framkvæmdastjóri Samáls í aðsendri grein í Morgunblaðinu. Þar minnir hann á að með söfnun sprittkerta má tryggja álinu lengra líf.“

Daníel Bjarnason, tónlistarmaður og hljómsveitarstjóri, hlaut Íslensku bjartsýnisverðlaunin. Guðni Th. Jóhannesson, forseti Íslands, afhenti verðlaunin á Kjarvalsstöðum sem eru áletraður gripur úr áli frá ÍSAL í Straumsvík og ein milljón króna í verðlaunafé. ÍSAL er bakhjarl verðlaunanna.

Óhætt er að segja að árið 2018 hafi verið viðburðaríkt í áliðnaði. Það má segja að togstreita stórveldanna í heiminum hafi hverfst um álið. Og þar sem verð á áli ræðst á heimsmarkaði hefur það áhrif á íslenska álframleiðslu. Pétur Blöndal fer yfir stöðu áliðnaðar í Fréttablaðinu.

Nú þegar er áframvinnsla í álverum á Íslandi, skrifar Pétur Blöndal framkvæmdastjóri Samáls í Áramót, tímarit Viðskiptablaðsins.

„Við styttum vaktir úr 12 tímum í 8 tíma og fækkuðum þannig vinnustundum starfsfólks,“ segir Magnús Þór Ásmundsson, forstjóri Fjarðaáls, í áramótauppgjöri Morgunblaðsins. „Til að mæta því þurftum við að ráða 50 nýja starfsmenn. Þetta varð veruleg kjarabót fyrir fólkið.“

„Grundvöllur samkeppnishæfni íslensks orkuiðnaðar felst í frjálsri samkeppni á orkumarkaði,“ segir Pétur Blöndal framkvæmdastjóri Samáls í áramótauppgjöri Morgunblaðsins. „Hann segir flutningskostnað raforku hærri hér á landi en í Noregi, þó að aðstæður séu sambærilegar.“

Verð á losunarheimildum innan ETS, viðskiptakerfis ESB, hefur margfaldast, að því er fram kemur í grein Péturs Blöndals, framkvæmdastjóra Samáls, í Morgunblaðinu. Hann segir mikilvægt að þeir fjármunir skili sér aftur til Íslands til verkefna á sviði loftslagsmála.

Ál­ver á Íslandi hafa verið í far­ar­broddi í að draga úr los­un með hug­viti, tækniþróun og agaðri ker­rekstri og hef­ur los­un á hvert fram­leitt tonn minnkað um 75% frá ár­inu 1990, að því er fram kemur í grein Péturs Blöndals framkvæmdastjóra Samáls í Morgunblaðinu.

Pét­ur Blöndal framkvæmdastjóri Samáls seg­ir í frétt Mbl.is að ál­ver­in hafi átt sam­töl við fyr­ir­tæki og sér­fræðinga um það hvort niðurdæling kolefnis frá álverum sé fær og það er enn til skoðunar. „Auðvitað væri frá­bært ef það gengi upp en ekki er ljóst hvort það er raun­hæft eða ger­legt.“

Guðrún Þóra Magnúsdóttir, leiðtogi umhverfismála hjá ISAL, hélt erindi á Umhverfisdegi atvinnulífsins. Þar kom m.a. fram að losun kolefnis á hvert framleitt tonn af áli er hvergi lægri en á Íslandi.

Hvatningarverðlaun viðskiptalífsins um eftirtektarverða notkun á íslenskri tungu voru veitt á degi íslenskrar tungu. Sjö fyrirtæki voru sérstaklega heiðruð fyrir framlag sitt í þágu íslenskunnar; Brandenburg, Icelandair Hotels, Icelandair, IKEA, ÍSAL, Sýn og Toyota á Íslandi.

Alcoa Fjarðaál er eitt af framúrskarandi fyrirtækjum ársins. „Við erum fyrirtæki sem hefur það markmið að bæta hag viðskiptavina, starfsfólks, samfélags og eigenda með því að framleiða eins umhverfisvænt ál og hægt er að framleiða í heiminum í dag, segir Magnús Þór Ásmundsson í samtali við Morgunblaðið af því tilefni.

Umhverfisdagur atvinnulífsins er á morgun en þar verður boðið upp á fjölbreytta dagskrá. Á meðal þeirra sem taka þátt er Guðrún Þóra Magnúsdóttir, leiðtogi umhverfismála, hjá Rio Tinto í Straumsvík. Hún flytur erindi um loftslagsvænt sérmerkt ál í málstofu um alþjóðaviðskipti og loftslagsmál.

Umhverfisdagur atvinnulífsins verður 17. október í Hörpu Norðurljósum frá 8.30-12. Veitt verða umhverfisverðlaun atvinnulífsins. Guðrún Þóra Magnúsdóttir forstöðumaður hjá Rio Tinto á Íslandi ræðir um Loftslagsvænt sérmerkt ál í málstofu um alþjóðaviðskipti og loftslagsmál.

Fullbókað var í árlega ferð Álklasans sem að þessu sinni var farin til Húsavíkur og Akureyrar. Yfir 50 þátttakendur nutu gestrisni fyrirtækjanna PCC og Becromal, hlýddu á fróðleik um fyrirtækin og skoðuðu verksmiðjurnar.

Segja þurfti upp 20 starfsmönnum í álveri Norðuráls á Grundartanga í gær. Ástæður uppsagnarinnar má rekja til innlendra jafnt sem erlendra kostnaðarþátta, að því er fram kemur í máli Ragnars Guðmundssonar, forstjóra Norðuráls, í ViðskiptaMogganum.

„Ef eitthvað er bendir þetta kannski til þess að fyrirtækið sé sterkara en menn áttuðu sig á,“ sagði Þórdís Kolbrún Reykfjörð Gylfadóttir iðnaðarráðherra í viðtali í Morgunblaðinu eftir að ljóst var að álverið í Straumsvík yrði ekki selt til Norsk Hydro.

Alcoa Fjarðaál er í fjórða sæti meðal framúrskarandi fyrirtækja. Af því tilefni var Magnús Þór Ásmundsson, forstjóri, tekinn tali í Morgunblaðinu. Þar segir hann jafnrétti í forgrunni hjá fyrirtækinu. Jafnframt að 4. iðnbyltingin sé mikilvæg og sjálfvirkni í brennidepli.

Mikið er lagt upp úr flokkun og endurvinnslu á Fiskideginum mikla. Í ár verður flokkun á drykkjardósum úr áli og álpappír. Rætt var við Pétur Blöndal er framkvæmdastjóri Samáls, sem er einn af bakhjörlum endurvinnsluátaksins, í blaði Fiskidagsins mikla í Morgunblaðinu.

Starfsemi Alcoa á Reyðarfirði hefur reynst mikil innspýting fyrir atvinnulíf og menningu í Fjarðabyggð síðustu 11 ár. Um 900 manns hafa atvinnu af starfsemi álversins og skapar það mikil verðmæti, en innlendur kostnaður nam tæpum 30 milljörðum. Þá styttist í greiðslu tekjuskatts.

„Margir hafa viljað halda því fram að félagið muni aldrei borga tekjuskatt hér á landi, en ég tel líklegt að það hefjist snemma á næsta áratug miðað við sömu rekstrarforsendur,“ segir Magnús Þór Ásmundsson, forstjóri Fjarðaáls, í samtali við Morgunblaðið.